काठमाडौँ — राष्ट्रिय मुक्ति पार्टी नेपाल र *जनता समाजवादी पार्टी (जसपा)*बीच आज काठमाडौँमा आयोजित विशेष कार्यक्रममा एकता उन्मुख कार्यगत एकता घोषणा गरिएको छ।
कार्यक्रममा दुवै पार्टीका शीर्ष नेताहरू, कार्यकर्ता तथा समर्थकहरूको उपस्थिति रहेको थियो। वक्ताहरूले सहकार्यको यो कदम मुलुकमा समावेशी, समानता र न्यायको राजनीति बलियो बनाउने दिशामा महत्वपूर्ण मोड भएको बताए। 
घोषणापत्रअनुसार, दुवै पार्टीबीच संगठन विस्तार, राजनीतिक एजेन्डा सञ्चालन, र आगामी निर्वाचनका लागि साझा रणनीति बनाउने सहमति भएको छ। साथै, स्थानीयदेखि केन्द्रीय तहसम्म संरचना एकीकृत गर्दै जनताको सरोकारका मुद्दामा संयुक्त आवाज उठाइने जनाएको छ।
कार्यक्रममा देशभरका सदस्यलाई सहकार्यलाई सफल बनाउन आह्वान गर्दै, राष्ट्रिय हित र जनकल्याणका लागि एकताबद्ध भएर अघि बढ्ने प्रतिबद्धता व्यक्त गरिएको थियो।
