विभिन्न प्रकरणमा भ्रष्टाचारको आरोप पनि लागेको मधेस प्रदेशका मुख्यमन्त्री लालबाबु राउत गद्दी यस पटक फेरी पनि प्रदेशका उम्मेद्धार

पर्सा

मधेस प्रदेशका मुख्यमन्त्री लालबाबु राउत गद्दी यस पटक फेरी पनि प्रदेशका उम्मेद्धार छन् । मधेस आन्दोेलनमा मुख्य भुमिका खेलेका प्रदिप यादवले संघमा र लालबाबु राउत गद्दीले प्रदेशमा समेत उम्मेदवारी दर्ता गराएका हुन ।

मंसिर ४ गते हुन गइरहेको निर्वाचनमा पर्सा जिल्लाको क्षेत्र नम्बर १ को (ख) बाट मुख्यमन्त्रीलाई चुनाव जित्न त्यति सहज भने देखिएको छैन । उम्मेदवारी दर्ता गराएपनि क्षेत्र नम्बर १ का मतदातामा विभिन्न असन्तुष्टी देखिन थालेको छ ।
निर्वाचनको समयमा मिठो मिठो भाषा प्रयोग गर्दै सोझा साझा नेपाली जनतालाई झुक्याउदै निर्वाचित हुने गरेको र निर्वाचित भइसके पश्चात भ्रष्टचार गर्न कुनै कसर बाकी राख्ने नगरेको भन्दै आलोचना भईरहेको छ ।

मुख्य मन्त्री लालबाबु राउत गद्दी माथि विभिन्न प्रकरणमा भ्रष्टाचारको आरोप पनि लागेको छ भने मुख्यमन्त्री बने पश्चात आफ्नो निर्वाचन क्षेत्रमा जनतालाई सन्तुष्ट हुनेगरि काम नगरेको कारण पनि जनता सन्तुष्ट नरहेको देखिन्छ । मधेस आन्ँदोलनमा भुमिका निर्वाह गरेकै कारण मत दिएर उक्त क्षेत्रका जनता निर्वाचित गराएको र मधेसको नाममा राजनीति गरी मधेसका जनता संगै खेलवाड गरेको कारण यसपालिको निर्वाचनमा पराजित हुने प्रब्बल सम्भावना देखिएको जनताको अभिव्यक्तिले प्रष्ट पारेको छ ।

को हुन मुख्यमन्त्री लालबाबु राउत गद्दी ?

शुरुमा मुख्यमन्त्री राउत ठाकुरराम बहुमुखी क्याम्पस र वीरगन्ज स्थित मेडिसिन क्याम्पस अर्थात नर्सिक क्याम्सको अँग्रेजी विषयको प्रध्यापक थिए । वीरगन्ज महानगपालिकामा नेपाली कांग्रेसका तत्कालीन मेयर माधवलाल श्रेष्ठ र उपमेयर अजय द्धिवेदीको पालामा महानगरपालिको अधिकृत तहमा स्थाई रुपमा भर्ना भएका थिए । शुरुमा तीन ठाउँमा जागिर गर्दै आएका राउत पछि एक ठाउँमा मात्र जागिर गर्न पाउने अनिवार्यता लागेपछि उनी महानगपालिको जिन्सि शाखाको प्रमुख हुँदा मोनामी पेन र व्हिल वेयरो खरिद भ्रष्टाचार काण्डमा अख्तियार अनुसन्धान आयोगको छानविनमा निलम्बनमा परेका थिए ।

मुख्यमन्त्री कार्यालयबाट संचालित पोखरी सौन्दर्यीकरण अन्तर्गत निर्माण कार्य शुरु गरि अलपत्र छाडिएको नगवा पोखरी । महानगरापलिकाबाट निलम्बित रहेकै वेला शुरु भएको मधेश आन्दोलन पछि उनी तत्कालीन मधेशी जनअधिकार फोरममा प्रवेश गर्दै सक्रिय राजनीतिमा प्रवेश गरेका थिए । राजनीति सक्रियतासँगै चलिरहेको बिशेष अदालतबाट उनी माथि वीरगन्ज नगरपालिकामा लगाइएको भ्रष्टाचारको मुदा बिशेष अदालतबाट सफाई पाएपनि उनी महानगरपालिकाको जागिरमा पुनः फर्किएनन् ।

त्यस पश्चात २०७४ सालको सविधान सभामा उनी पहिलो पटक समानुपातिकबाट सविधान सभा सदस्य बनेका थिए तर आफु अधारित क्षेत्रमा खासै काम नगरेको कारण उनी प्रत्यक्ष चुनाव लड्न पर्साको क्षेत्र नम्बर १ को (ख) परिवर्तन गरि टिकट लिए । टिकट लिने बेलामा पनि उनी क्षेत्र नम्बर ४ को वासी भएकोले सोही क्षेत्रबाट निर्वाचन लड्न स्थानीय नेताहरुले दबाव समेत दिएका थिए तर मधेश आन्दोलनको माहोल नै जल्दोबल्दो रहेकोले उनी यसै क्षेत्रमा जित्न सक्ने देखेपछि क्षेत्र नं। १ को (ख) बाटै चुनाव लडे ।

संविधानको घोषणा र त्यसको बिरोधमा भएको मधेश आन्दोलन र नाकाबन्दीमा उनको सक्रिय भूमिका रहेकोले पनि उनी पर्साको क्षेत्र नम्बर १ को (ख) बाट प्रदेश सभाको निर्वाचन लडेर प्रत्यक्ष तर्फबाट प्रदेश सभा सदस्य चुनिए । त्यस पश्चात प्रदेश स्तरीय मन्त्रालय गठन भएपछि उनीलाई मुख्य मन्त्री चुनियो । पहिलो पटक मुख्य मन्त्री बनेपछि मुख्यमन्त्री कार्यालयबाट चलाइएकाअधिकांश परियोजनाहरुमा व्यापक भ्रष्टाचार भएको उनीमाथि आरोप लाग्यो ।

उनको सबै भन्दा लोकप्रिय रहेको ‘बेटी पढाउँ, बेटी बचाउ’ अभियान अन्तर्गत साइकल खरिद प्रकरणमा अख्तियारद्वारा मुद्दा दायर गरियो र मुख्यमन्त्री कार्यालयमा छापामारी समेत भएको थियो । वाँकी रहेका अरु फाइलहरुबारे अहिलेपनि अनुसन्धान चलिरहेको छ । मुख्यमन्त्री कार्यालयबाट भएको भ्रष्टाचारबाट आफु जोगिन लागि साइकल खरिद प्रकरणको फाइलबाट उनले गरेको टिप्पणी आन्देश सदरको कागज गायब नै गरि दिएको घटनाहरु प्नि सार्वजनिक भए ।

यसका साथै मुख्यमन्त्री पुर्ण रुपमा असफल रहेको ‘मुख्यमन्त्री स्वच्छता अभियान’ र ‘बिमा प्रकरण’ का बारेमा अख्तियारद्वारा अहिलेपनि अनुसन्धान भइरहेको छ । त्यसका साथै टावर लाइट खरिद, सहिद पार्क निर्माण, पोखरी सौन्दर्यिकरण, मठ मन्दिर सौन्दर्यीकरण लगायतका कतिपय योजनाहरु अहिले पनि अधुरै छन् । वीरगंजको मुर्ली तथा नगवा स्थित रहेको पोखरी अहिलेपनि अलपत्र अवस्थामा छन् ।

मुख्यमन्त्री कार्यालयबाट संचालित पोखरी सौन्र्दीकरण अभियान अन्तर्गत संचालन गरिएको योजना अलपत्र नगवा पोखरी । एतिहासिक पोखरीलाई सौन्दर्यीकरणको नाममा तहस नहस बनाएर अहिले अलपत्र अवस्थामा छाडिएको छ । त्यसमा व्यापक भ्रष्टाचार समेत भएको मुख्यमन्त्रीमाथि आरोप पनि लागेको छ । मुख्यमन्त्री कार्यालयबाट चलेका अधिकाँश भौतिक निर्माणका कार्यहरु उनकै पार्टीका प्रदेश सभा सदस्य सिगांसन साह कलवार जसलाई मुख्यमन्त्री छाया भनेर पनि पर्सा जिल्लामा चिनिने गरिएको छ । जो एउटा पुराना ठुलो ठेक्केदार पनि हुन् । उनले नै मुख्यमन्त्रीको अधिकांश योजना पाएको कारण पनि योजनाहरु अधुरै रहेको छ । योजनाहरु अधुरो रहेको कारण यहाँका नागरिकहरु मुख्यमन्त्रीबाट असन्तुष्ट छन् ।

मुख्यमन्त्री राउतले आफ्नो श्रीमती र पिए समेत लाइ जिताउन सकेन भने यस चुनावमा कसरी जित्ने भनी स्थानीयहरुको गुनासो छ ।
राउत वीरगंजबाट निर्वाचित भएर मुख्यमन्त्री बनेपछि यस क्षेत्रको लागि खासै काम नगरेको र विभिन्न भ्रष्टाचार मुद्दामा मुछिएपछि वीरगंजबासीहरुले उनीमाथि रुष्ट छन् । त्यसमा पनि मधेश प्रदेशको मुख्यमन्त्री भएकै बेला वीरगंजलाई राजधानी बनाउन पहल नगरि चुप लागेर बसेको भन्दै बीरगञ्जवासी आक्रोशित भएका थिए । त्यसको असर पनि निर्वाचनमा देखिन सक्नेछ ।

साभार: मिरमिरे अनलाइन