काठमाडौँ, २९ फागुन । सरकारले चालु आर्थिक वर्ष २०८१/८२ का लागि चैते धानको न्यूनतम समर्थन मूल्य तोकेको छ । मन्त्रिपरिषद् बैठकले १८ प्रतिशत चिस्यान भएको चैते धानको न्यूनतम समर्थन मूल्य प्रतिक्विन्टल २ हजार ८ सय रुपैयाँ ६९ पैसा तोक्ने निर्णय गरेको हो । १८ प्रतिशतभन्दा बढी चिस्यान भएको धानको मूल्य तौल घटाइ हुने आधारमा निर्धारण हुनेछ ।
नेपालमा वार्षिक ७० लाख टन धानको माग हुने गरेको छ । जसमा ५४ लाख टन मात्र आन्तरिक उत्पादनबाट प्राप्त हुने गर्छ । कृषिमा सिँचाइको अभावले चैते धानको उत्पादन विस्तारमा बाधा पुगेको छ ।
