अमेरिका पछि ताईवानमा पनिदेखियो वेदर वैलुन

55

ताइवानले चीनबाट आएको ‘वेदर बेलुन’ को अवशेष फेला पारेको जनाएको छ । ताइवानको सेनाका अनुसार उसले बिहीबार बिहान ११ः०० बजे (नेपालमा ८ः१५) ताइवान नियन्त्रित डोंग्यिन टापुमा एउटा अज्ञात उडान वस्तु देखिएको थियो ।

पछि यो बेलुन सुटिङ रेन्ज नजिकै खस्यो । यसको अवशेष ताइवानमा फेला परेको छ । प्रारम्भिक अनुसन्धान पछि, ताइवानी सेनाले यी अवशेषहरू मौसम पत्ता लगाउने उपकरणको अंश भएको बताएको छ ।

ताइवानका रक्षामन्त्री चिउ कुओ–चेङले शुक्रबार अधिकारीहरूले दुर्घटनाग्रस्त बेलुनबारे छानबिन गर्ने र हड्बडीमा कुनै पनि निष्कर्षमा नजाने बताएका छन् ।

स्थानीय सञ्चारमाध्यमका अनुसार वरिष्ठ रक्षा अधिकारी चेन यु–लिनले पहिलो पटक ताइवानका टापुहरूमा यस्तो बेलुनको अवशेष फेला परेको बताएका छन् ।

डोंग्यिन टापु नजिकै भेटिएको यो बेलुनको व्यास करिब एक मिटर थियो र यसमा चिनियाँ कम्पनीको नाम लेखिएको थियो ।

ताइयुआन रेडियो नम्बर १ फ्याक्ट्री कम्पनी लिमिटेड नामको यो कम्पनी चीनको ताइयुआन शहरमा अवस्थित छ । चीनको प्रमुख औद्योगिक स्थलमा पर्ने यो शहर शाङक्सी प्रान्तको राजधानी पनि हो ।

पछिल्ला केही दिनदेखि चीन र अमेरिकाबीच यस्तै नै बेलुनको विषयमा तनाव चलिरहेको छ । यसको सुरुवात यसै महिना त्यतिबेला भएको थियो जब चीनको एक बेलुन अमेरिकाको आकाशमा देखिएको थियो ।

अमेरिकाले यसलाई चीनको तर्फबाट पठाएको एक जासुसी बेलुन बताएको छ ।

यद्यपि, चीनले यसलाई आफ्नो स्वीकार्दै यसलाई एक ‘वेदर बेलुन’  बताएको छ । यसले मौसमको अध्ययन गर्ने चीनले बताएको छ । चीनका अनुसार यो बाटो बिराएर अमेरिकाको आकाशमा पुगेको हो ।

अमेरिकाले दक्षिण क्यारोलिनाको समुद्रामाथि एक लडाकू विमान मार्फत् यसलाई खसाल्यो । चीनले यसमा कडा अपात्ति जताएको थियो । पछि क्यानडामा अमेरिकाको आकाशमा यस्तै केही अज्ञात चीन देखिएको थियो । एजेन्सी

Leave A Reply

Your email address will not be published.