आजको राशिफल: वि.सं. २०८३ भाद्र १८ गते बिहीबार

आजको राशिफल: वि.सं. २०८३ भाद्र १८ गते बिहीबार, ई.सं. २०२६ सेप्टेम्बर ०३, वर्षा ऋतु, दक्षिणायन, नेपाल संवत् ११४६, भाद्र कृष्ण पक्षको सप्तमी तिथि, कृत्तिका नक्षत्र, मेष राशिमा चन्द्रमा, सिंह राशिमा सूर्य, व्याघात योग, भद्रा करण। आज अमुक्तभरण सप्तमी व्रत तथा गौरासप्तमी। नेपालमा सूर्योदय बिहान ५:४४ बजे र सूर्यास्त साँझ ६:२१ बजे हुनेछ।

आज बगलामुखी भगवतीको स्मरण गरेर दिनको सुरुवात गर्नुहोला, यसले शुभ फल प्राप्त हुनेछ। बगलामुखीको स्मरण र ध्यान गर्नाले बुद्धि र मन सत्कर्ममा लाग्नेछ। हरेक जीवजन्तु र प्रकृतिप्रति प्रेमभाव राखेर व्यवहार गर्नाले माता बगलामुखी प्रसन्न हुनुहुनेछ। माताको कृपाले शत्रुमाथि विजय प्राप्त हुने तथा रोकिएका काम र धन प्राप्त हुने शास्त्रमा उल्लेख छ।

आज कुनै शुभ वा महत्त्वपूर्ण कार्य गर्नुपरेमा बिहान ०५:४३ बजेदेखि ०७:१८ बजेसम्म वा दिउँसो १२:०२ बजेदेखि १५:१२ बजेसम्मको समय अत्यन्त शुभ छ। यो समय आजको दिनफलमा आधारित छ।

मेष (चु, चे, चो, ला, लि, लु, ले, लो, अ): आर्थिक कारोबार गर्दा झमेला हुने योग रहेकाले सावधान रहनुहोला। स्वास्थ्य अनुकूल रहनेछ। दिउँसो १ बजेदेखि ३:३० बजेसम्मको समय शुभ रहनेछ। आज पितृ र गुरुको सम्मान गर्नुहोला, शुभ हुनेछ।

शुभ रङ: खैरो | शुभ अङ्क: ७

वृष (इ, उ, ए, ओ, वा, वि, वु, वे, वो): निर्माणसम्बन्धी कार्यमा सहभागी हुने अवसर प्राप्त हुनेछ। मनोबल उच्च रहनेछ। विद्या र बुद्धिको सही प्रयोग होला। आज सेतो वस्तुको प्रयोग गर्नुहोला, शुभ हुनेछ। 

शुभ रङ: हल्का रातो | शुभ अङ्क: १

मिथुन (का, कि, कु, घ, ङ, छ, के, को, ह): अनावश्यक विवाद हुने योग छ, बोल्दा सावधान रहनुहोला। आर्थिक लाभ हुनेछ भने सन्तानको सुख प्रशस्त पाइनेछ। आज विवाद वा झगडा भएको ठाउँमा नबस्नुहोला।

शुभ रङ: बैजनी | शुभ अङ्क: १२

कर्कट (हि, हु, हे, हो, डा, डि, डु, डे, डो): धार्मिक तथा सामाजिक कार्य गर्ने अवसर प्राप्त हुनेछ। छोटो दूरीको यात्राको योग छ। आमाबुवाबाट सुख प्राप्त हुनेछ। आज बिहान केराको बोटमा भगवान् विष्णुको स्मरण गर्दै दीप बाल्नुहोला।

शुभ रङ: हरियो | शुभ अङ्क: ९

सिंह (मा, मि, मु, मे, मो, टा, टि, टु, टे): भाग्य प्रबल देखिन्छ; रोकिएका सम्पूर्ण कार्यहरू बिस्तारै बन्दै जानेछन्। साँझको समयमा आर्थिक कारोबार नगर्नुहोला। आज चामलमा बेसार मिसाएर दान गर्दा शुभ फल प्राप्त हुनेछ।

शुभ रङ: हल्का निलो | शुभ अङ्क: १७

कन्या (टो, प, पि, पु, ष, ण, ठ, पे, पो): प्रेमसम्बन्धमा विवाद हुन सक्छ। आर्थिक अवस्थाले केही चिन्तित तुल्याउला र मन भारी हुनेछ। धार्मिक कार्यमा मन जानेछ। आज व्यक्तिगत सरसफाइमा ध्यान दिनुहोला।

शुभ रङ: पहेँलो | शुभ अङ्क: ३

तुला (र, रि, रु, रे, रो, ता, ति, तु, ते): कामको दबाब बढ्नेछ। नयाँ परिकार खान पाइने तथा नयाँ कपडाको लाभ मिल्नेछ। दाँत, नङ र कपालसम्बन्धी सामान्य समस्या देखिएला। भगवान् विष्णुलाई सेतो फूल चढाएर दिनको सुरुवात गर्नुहोला।

शुभ रङ: हल्का कालो | शुभ अङ्क: ८

वृश्चिक (तो, ना, नि, नु, ने, नो, या, यि, यु): मन प्रसन्न रहनेछ। बिहान ७ बजेदेखि ११ बजेसम्मको समय विशेष शुभ छ। दिउँसो मानसिक तनाव हुने योग रहेकाले कारोबार बिग्रन सक्छ, सजग रहनुहोला। कर्ममा धैर्य राख्नु नै हितकर हुनेछ।

शुभ रङ: निलो | शुभ अङ्क: ४

धनु (ये, यो, भ, भि, भु, ध, फा, ढ, भे): नजिकको मित्रबाट धोका हुन सक्छ। वस्तुको खरिद-बिक्री हुनेछ। पशुपालन तथा कृषिजन्य वस्तुबाट लाभ मिल्नेछ। आज हरेक विषयमा सन्तुलित निर्णय लिनुहोला।

शुभ रङ: गाढा पहेँलो | शुभ अङ्क: ११

मकर (भो, ज, जि, खि, खु, खे, खो, गा, गि): बिहानैदेखि शुभ समाचार प्राप्त हुनेछन् र मन प्रसन्न रहनेछ। बिग्रिएका सम्बन्धहरूमा सुधार आउनेछ। प्रेममा मिलनको योग छ। आज आफ्ना इष्टदेवलाई दही चढाएर दिनको सुरुवात गर्नुहोला।

शुभ रङ: कालो | शुभ अङ्क: ५

कुम्भ (गु, गे, गो, सा, सि, सु, से, सो, द): शरीर दुख्ने र शनिको प्रभावले कार्यहरूमा झमेला आउनेछ। प्रेम सम्बन्ध सफल हुनेछ भने पारिवारिक सुख स्थिर रहनेछ। दाम्पत्य सुखमा केही कमी आउन सक्छ। आज श्रीमहाकालीको स्मरण गरी दिनको सुरुवात गर्नुहोला।

शुभ रङ: हल्का निलो | शुभ अङ्क: ३

मीन (दि, दु, थ, झ, ञ, दे, दो, च, चि): पेटसम्बन्धी समस्या आउन सक्छ। सन्तान पक्षबाट झमेला र घरायसी विवाद हुने योग छ। आर्थिक पक्षमा भने सुधार आउनेछ। आज शुद्ध खानपानमा ध्यान दिनुहोला।

शुभ रङ: पहेँलो | शुभ अङ्क: १४

डा. खेमराज मिश्र, पीएचडी (उहाँ फलित ज्योतिषविद् तथा ज्योतिष अनुसन्धानकर्ता, नेपाल ज्योतिष परिषद्का केन्द्रीय उपमहासचिवकाे जिम्मेवारीमा पनि हुनुहुन्छ)