लखनउमा गुडिरहेको बसमा आगलागी, पाँच जना यात्रुको जलेर मृ#त्यु

ऐजेनेसी। भारतको लखनउमा बिहीबार बिहान एउटा गुडिरहेको स्लिपर एसी बसमा आगलागी भएको छ। दुर्घटनामा पाँच जना यात्रुको जलेर मृत्यु भएको छ। मृत्यु हुनेमा २ बालबालिका, २ महिला र १ पुरुष छन्। बसमा लगभग ८० जना यात्रु थिए। बस बिहारबाट दिल्ली जाँदै थियो।
दुर्घटना बिहान ५ बजे मोहनलालगञ्ज नजिकैको बाहिरी रिङरोड (किसान पथ) मा भएको थियो। त्यतिबेला धेरैजसो यात्रुहरू सुतिरहेका थिए। यात्रुहरूले बस अचानक धुवाँले भरिन थालेको बताए। मानिसहरूले केही बुझेनन्। केही मिनेटमै बस आगोको चपेटामा पर्‍यो ।
बस भित्र भागदौड मच्चियो। बस चालक र कन्डक्टर जलिरहेको बस छोडेर भागे। चालकको सिट नजिकै एउटा अतिरिक्त सिट थियो। यस्तो अवस्थामा यात्रुहरूलाई ओर्लन समस्या भयो। धेरै यात्रुहरू बसमा फसे ।
नजिकैका मानिसहरूले प्रहरी र दमकललाई खबर गरे। दमकल आइपुग्दासम्म सम्पूर्ण बस जलिसकेको थियो। दमकलले करिब ३० मिनेटमा आगो निभायो।
प्रहरीको प्रारम्भिक अनुसन्धानमा बसको आपतकालीन गेट नखुलेको देखिएको छ। जसका कारण पछाडि बसेका मानिसहरू अड्किए। बसमा पाँच-पाँच किलोका सात वटा ग्यास सिलिन्डर थिए। तर, कुनै पनि सिलिन्डर विस्फोट भएन।