काठमाडौं, ४ असाेज । नेकपा (एमाले) को दसौँ सचिवालय बैठकले कार्यदलले तयार पारेको प्रतिवेदन स्वीकार गरेको छ।
आइतबार पार्टी कार्यालयमा बसेको सचिवालय बैठकले रामबहादुर थापा 'बादल'ले पेस गरेको प्रतिवेदनलाई औपचारिक रूपमा ग्रहण गरेको हो।
बैठकपछि सञ्चारकर्मीहरूलाई जानकारी दिँदै एमाले नेता लेखराज भट्टले चार महिनाको गृहकार्यपछि कार्यदलले तयार पारेको प्रतिवेदन बैठकले स्वीकृत गरेको बताए। उनका अनुसार उक्त प्रतिवेदनमा पूर्वअपेक्षाअनुसार नेतृत्व सम्बन्धी उठेका विवादित तथा बहसका सम्पूर्ण विषयहरू हटाइएको छ।
स्वीकृत प्रतिवेदनमाथि सोमबारदेखि सुरु हुने एमाले केन्द्रीय समितिको बैठकमा विस्तृत छलफल हुनेछ। सोमबारबाट बस्ने केन्द्रीय समितिको बैठकले प्रतिवेदनलाई अन्तिम रूप दिने नेता भट्टले जानकारी दिए।
