हिन्दु समाजको आह्वान वीरगञ्ज बजार बन्द

110

७ फागुन,वीरगञ्ज । हिन्दु समाज असुरक्षित हुँदै गएको भन्दै बीरगन्ज बजार बन्द गरिएको छ । रौतहटसहित मधेश प्रदेशका फरकफरक ठाउँठाउँमा हिन्दूमाथि निरन्तर आक्रमण भइरहेको भन्दै हिन्दु समाजले बीरगन्जका मुख्य बजार आज बन्द गराएको हो ।

घण्टाघर, माइस्थान, आदर्शनगर, घडिअर्वा पोखरीसहित मुख्य सडकमा रहेका अधिकांश पसल बन्द गरिएको छ ।
हिन्दू समाजले जय श्रीरामको नारा लगाउँदै बजार ठप्प पारेका छन् । बीरगन्जका मुख्य बजारमा अहिले औषधी पसलबाहेकका अधिकांश पसल बन्द छन् ।

हिन्दू समाजका समर्थकहरुले नाराबाजी गर्दै प्रदर्शन गरिरहेकोले बजार बन्द रहेको पर्साका प्रहरी नायब उपरिक्षक एवम् निमित्त प्रहरी प्रमुख कुमारविक्रम थापाले जनाए ।
यसैबिच हिन्दू समाजले प्रदर्शन गर्दै पर्साका प्रमुख जिल्ला अधिकारीलाई ज्ञापनपत्र समेत बुझाएको छ ।

‘देशमा १५ वर्षदेखि हिन्दूमाथि आक्रमण दिनप्रतिदिन बढ्दै गइरहेको छ, आफ्नै देशमा हिन्दू असुरक्षित छन् । अब प्रशासनले त्यस्तो व्यक्तिलाई कारबाही गरेन भने हामी हिन्दू समाजले त्यस्ता व्यक्तिलाई देश निकाला गर्छौ । अब धैर्य राख्ने क्षमता हामीसंग छैन्,’ ज्ञापनपत्रमा भनिएको छ ।

ज्ञापनपज्ञ बुझ्दै पर्साका प्रमुख जिल्ला अधिकारी दिनेश सागर भुसालले ज्ञापनपत्र बुझाउनु प्रजातान्त्रिक प्रक्रिया भएको प्रतिक्रिया दिए ।

उनले भने,‘तर हाम्रो देशमा कोही पनि कसैबाट असुरक्षित छैनन्, यदि कोही छ भने हामीलाई म्यासेज गर्नुस त्यसलाई सुरक्षा हामी दिनेछौँ । तर यसैको नाममा नारा लगाएर गलत गर्न पाउँने छुट भने कसैलाई छैन् ।

 

Leave A Reply

Your email address will not be published.