भारत र एडीबीबीच १ अर्ब २२ करोड डलर बराबरको ऋण सम्झौतामा हस्ताक्षर

77

काठमाडौँ– भारत सरकार र एसियाली विकास बैंक एडीबीबीच १ अर्ब २२ करोड अमेरिकी डलर बराबरको ऋण सम्झौतामा हस्ताक्षार भएको छ ।

भारतको आर्थिक पत्रिका इकोनोमिक टाइम्सको अनलाइन संस्करणले जनाएअनुसार मुलुकका विभिन्न क्षेत्रमा विकासका पूर्वाधार निर्माणका लागि उक्त रकम बराबरको ऋण सम्झौता भएको हो ।

भारतका विभिन्न राज्यमा ऊर्जा, सडक सञ्जाल, रेलमार्गजस्ता पूर्वाधारको निर्माणका लागि ऋण लिन लागिएको भारतीय वित्त मन्त्रालयले जनाएको छ ।

ऋणबाट प्राप्त रकम पूर्वोत्तर राज्यहरु असम र त्रिपुरामा राजमार्ग र ऊर्जासम्बन्धी परियोजना निर्माण, दक्षिणी सहर चेन्नईमा मेट्रो रेल र पश्चिमी राज्य महाराष्ट्रका महत्वपूर्ण आर्थिक क्षेत्रको विकासमा लगानी गरिने वित्त मन्त्रालयले उल्लेख गरेको छ ।

Leave A Reply

Your email address will not be published.