ठेक्काबाट करोडौं करोड भ्रष्टाचार गर्ने सिंगासनलाई मतदाताहरुले मन पराउन छाडे

122

वीरगंज, २६ कार्तिक

पर्सा निर्वाचन क्षेत्र नं. ४ “ख”को जसपा एमाले गठबन्धनका साझा उम्मेदवार सिंगासन साह कलवारले मधेश प्रदेशमा करोडौं करोडको ठेक्का लिई अलपत्र पारेकै कारण यसपालि उनलाई मतदाताहरुले मत नदिने अडान लिएर बसेका छन् । निवर्तमान प्रदेशसभा सदस्य सिंगासन साह कलवार २०७४ सालको निर्वाचनमा निर्वाचित भए देखि नै मधेश प्रदेशका मुख्यमन्त्री लालबाबु राउतलाई प्रभावमा पारी अबौंको ठेक्का हात पार्न सफल भएका थिए । भ्रष्ट प्रवृतिका सिंगासनले ठेक्का लिए पनि उनी अधिकांश कामहरु अधुरै छाडेका छन् भने कतिपय योजनाहरु अधुरै रहेपनि काम भन्दा बढी बजेट निकासा गराएको स्रोतले जनाएको छ । कलवार मधेश आन्दोलनको हावा चलेको बेला २०७४ सालमा पर्साको निर्वाचन क्षेत्र नम्बर ४ (ख) बाट तत्कालिन संघीय समाजवादी फोरम नेपालबाट जितेका थिए ।

मुख्यमन्त्री लालबाबु राउत गद्दीसँग घनिष्ट सम्बन्ध बनाई सिंगासनले प्रदेश सरकारबाट पोखरी सौन्दर्यकरण, सडक निर्माण लगायतका अधिकांश ठेक्का आफु संलग्न रहेको कम्पनीलाई पार्न लगाएको पाइएको छ । उनी पर्सा जिल्लामा मात्र ३० करोड ४३ लाख रुपैयाँमा ३ वटा पोखरी सौन्दर्यीकरणको ठेक्का लिएका छन् । मुख्यमन्त्री कार्यालयबाट लगाइएको ठेक्का ३ वर्षमा सम्पन्न गर्नुपर्ने सम्झौता भएपनि हालसम्म कुनै पनि पोखरी सौन्दर्यीकरणको काम पुरा नभएकोले यसपालि उनलाई भ्रष्टाचारी भन्दै मतदाताहरु हराउनमा कम्मकर कसेर लागेको बुझिएको छ । रञ्जन निर्माण सेवाले वीरगंजको मुर्ली पोखरी ९ करोड ९७ लाख र वीरगंजकै नगवा पोखरी १० करोड रुपैयाँ ठेक्का पाएको छ ।

आर्थिक वर्ष २०७५÷०७६ मा पाएको पोखरी सौन्दर्यीकरणको ठेक्का ३ वर्षको अवधिमा सम्पन्न गर्नुपर्ने थियो, तर अवधि भित्र सम्पन्न नगरी पुनः म्याद थपको लागि निवेदन दिएको बुझिएको छ । मुर्ली पोखरीमा काम गरेर साढे ५ करोड र नगवा पोखरीमा काम गरे वापत करिब ४ करोड रुपैयाँ भुक्तानी रन्जन निर्माण सेवाले लिइसकेको बताईएको छ । वीरगंजको नगवा र मुर्ली पोखरी अहिले २५ प्रतिशत पनि काम पुरा नभएको नगवाका राजदेव पटेलले बताए । २०७५÷७६ मै रन्जन निर्माण सेवाले छिपहरमाईको पोखरी पनि सौन्दर्यीकरण गर्ने काम पाएको थियो । १० करोड ४४ लाख रुपैयाँको सो ठेक्काको २ करोड रुपैयाँ निकासा भइसकेको छ । तर, पोखरी अलपत्र छ ।

यस्ता थुप्रै योजनाहरु अलपत्र छोडेपनि निकासा भएको बजेटबाट मतदाताहरुलाई रिझाई यसपालि पनि चुनाव जित्ने दाउमा रहेको उनकै एकजना सहयोगीले नाम न छाप्ने शर्तमा बताएका छन् । एक पल्ट जिताएपछि करोडौं करोड भ्रष्टाचार गर्न पल्केका कलवारलाई यसपालि पनि जिताए उनले अर्बौसम्म भ्रष्टाचार गर्न सक्ने भएकाले उनलाई कुनै पनि हालतमा नजिताउने मतदाताहरुको मानसिक्ता रहेको चर्चा व्यापक रुपमा चलिरहेको पाईएको छ । यस्ता समाजका कलंकित, भ्रष्टचारीहरुलाई चुनाव नै लडन नपाउने नियम बनाउन आवश्यक रहेको सचेत नागरिकहरुले बताउन थालेका छन् । साभार: भोजपुरी टाइम्स दैनिक

Leave A Reply

Your email address will not be published.