वीरगञ्ज, १९ कार्तिक ।
बाराको परवानीपुर गाँउपालिका वडा नम्बर ४ चैनपुर विर्ताका नेकपा एमालेका प्रभावशाली नेता कन्हाई राउत कुर्मी चुनावको मुखमा लोसपामा प्रवेश गरेका छन् । पुर्व वडा सदस्य समेत रहेका कुर्मी शनिबार एमाले पार्टी प्रत्याग गरि लोसपामा प्रवेश गरेका हुन् ।
लोकतान्त्रिक समाजवादी पार्टी नेपालका मधेश प्रदेश अध्यक्ष एंव पूर्व मन्त्री जितेन्द्र सोनलले कुर्मीलाई टिका र माला लगाएर पार्टीमा स्वागत गरेका हुन् । कुर्मी जस्ता एमालेका प्रभावशाली नेताको प्रवेशले लोसपामा ठुलो उर्जा थपिएको भन्दै सोनलले बारा ४ मा अरु पनि दलका नेता कार्यकर्ताहरु लोसपा प्रवेशको तयारीमा रहेको बताए ।
