मलेसिया,आफ्नो जन्मभूमि भंगहा नगरपालिकाको सेवा गर्ने अठोट बोकी स्थानिय तह निर्वाचन २०७९ मा नेपाली कांग्रेसको तर्फबाट नगर प्रमुख पदका उम्मेदवार बन्नुभएका विजय मण्डल ‘बिर्जू’ ले अब विदेशमा पनि नेपालीको शिर उचो पार्ने काम गर्नुभएको छ। 
त्यसबेला जनताले उहाँप्रति देखाएको अपार विश्वास र उल्लेखनीय मतले विजय मण्डललाई बलियो प्रत्यासी बनायो । तर, दुर्भाग्यवश केही पहुँचवाला नेताको चलखेल र मतगणनामा देखिएको अनियमितताले गर्दा उहाँ अत्यन्तै झिनो मतान्तरले पराजित हुनुभयो । यद्यपि, नेपाली कांग्रेस र नेकपा माओवादीको गठबन्धनसहित नगर कार्यपालिकामा बहुमत प्रस्तुत गर्न सफल भए पनि नगर प्रमुख (ठेकेदार) को आर्थिक स्वार्थका कारण जनप्रतिनिधिहरूले बहुमतमा भएर पनि अल्पमतजस्तो अवस्था झेल्नुपर्यो। 
राजनीतिक असफलता पछि पनि निराश नबनी, विजय मण्डल ‘बिर्जू’ फेरि आफ्नो दशकौं पुरानो व्यवसायिक यात्रातर्फ फर्किए । विगत १० वर्षदेखि मलेसियामा निजी व्यवसाय गर्दै आउनु भएका मण्डलले आफ्नो लगनशीलता, इमानदारी र व्यावसायिक सफलताको कारणले मलेसियामा Youth United Council of India 2025 द्वारा TOP BUSINESS ENTREPRENEUR AWARD प्राप्त गर्न सफल हुनुभएको छ। 
उक्त अवार्ड उहाँलाई मलेसियाका प्रधानमन्त्री दातो श्री अनवर इब्राहिमका पीएसओ (Private Secretary Officer) को हातबाट प्रदान गरिएको थियो। यस सम्मानले सम्पूर्ण नेपाली युवाहरूलाई हौसला र प्रेरणा दिएको छ । 
विजय मण्डल ‘बिर्जू’ जस्ता युवाहरूले राजनीतिक परिवर्तन मात्र होइन, आर्थिक, सामाजिक र अन्तर्राष्ट्रिय पहिचानमा पनि नेपालीहरूको नेतृत्व क्षमता उजागर गर्न सक्नेछन् भन्ने सन्देश यो सफलताले दिएको छ। उहाँका समर्थकहरू तथा भंगहाबासीहरूले आउँदा स्थानीय निर्वाचनमा फेरी उहाँको सशक्त उम्मेदवारीको अपेक्षा गरेका छन्।
भविष्यमा उहाँ निर्वाचित भई नगरपालिकालाई यस्ता राष्ट्रिय तथा अन्तर्राष्ट्रिय अवार्डहरू प्राप्त हुने अवस्थामा पुर्याउनुहोस् भन्ने जनअपेक्षा तीव्र रुपमा बढिरहेको छ।
