एनआरएनए मलेसियाको सह-कोसाध्यक्ष पदमा सुरेश कुमार देपकोटाको उम्मेदवारी घोषणा*

कुलालम्पुर, मलेसिया — गैर आवासीय नेपाली संघ (NRNA) मलेसियाको आगामी कार्यकालको निर्वाचनलाई लक्षित गर्दै *सुरेशकुमार  देपकोटा* ले सह-कोसाध्यक्ष पदमा आफ्नो उम्मेदवारी घोषणा गरेका छन्।

दीर्घ समयदेखि मलेसियामा रहँदै नेपाली समुदायको सेवा तथा संस्थागत विकासमा सक्रिय देपकोटाले एनआरएनएलाई अझ प्रभावकारी, समावेशी र पारदर्शी बनाउन योगदान गर्ने दृढ संकल्प व्यक्त गरेका छन्।

उम्मेदवारी घोषणा गर्दै देपकोटाले भने, “प्रवासी नेपालीहरूको हकहित, सामाजिक एकता र संस्थाको समुन्नत भविष्यका लागि मैले यो उम्मेदवारी दिएको हुँ। सबैको साथ र समर्थनले म अझ उत्साहका साथ काम गर्नेछु।”

उनले एनआरएन अभियानभित्र सहकार्य, समर्पण र नेतृत्वदक्षता देखाउँदै आएका छन्। उनका अनुसार, संस्थाभित्र युवाको सक्रियता, महिलाको सहभागिता, र सम्पूर्ण समुदायबीच समन्वय कायम गर्नु उनको प्राथमिकता हुनेछ।

संघको आसन्न निर्वाचनप्रति सम्पूर्ण सदस्यहरू उत्साहित भइरहेका छन् भने सुरेश कुमार देपकोटाको उम्मेदवारीलाई एक बलियो नेतृत्वको रुपमा हेरिएको छ।