बारा, मंसिर १७
कटवासीमाई पाँच बार्षिय पुजा एवम मेला मुल समिति कार्यालयको उद्घाटन तथा मेलालाई भब्य सभ्य बनाउन सोमबार बिहान आठ बजे अन्तरक्रिया कार्यक्रम गर्ने नगरप्रमुख उपेन्द्र यादवले बताउनु भएको छ । महागढीमाई नगरपालिका वडा नं ७ अवस्थित तेलगाईमा कटवासीमाई पाँच बार्षिय पुजा एवम मेला मुल समिति कार्यालयको उद्घाटन तथा मेलालाई भब्य सभ्य बनाउन सोमबार बिहान आठ बजे गाउँबासी नगरबासी जिल्ला बासी, प्रमुख जिल्ला अधिकारी , जिल्ला प्रहरी उपरीक्षक सरकारी कार्यालय तथा निजि कार्यालयका प्रमुखसंग अन्तरक्रिया गरेर कटवासीमाई पुजा एवम मेलालाई भब्य सभ्य बनाउन महागढीमाई नगरपालिकाका नगरप्रमुख उपेन्द्र यादवले जनकारी गराउनु भएकोछ ।
तराई मधेस जिल्लाको विभिन्न शक्ति पीठ मध्ये कटवासीमाई पनि एक शक्ति पीठ हो कटवासीमाईको पूजा एवम मेलामा पन्द्र लाख भन्दा बढी भक्तजन आउने गर्छन।कटबासीमाई मेलामा आउने भक्तजनलाई गाउँबासी नगरबासी र जिल्लाबासीले आ आफ्नो ठाउँ बाट भक्तजनलाई संरक्षण गरिदिनको लागि नगरप्रमुखले आग्रह गर्नु भएको छ ।कटवासीमाई मेला सम्पन्न भएपछि कटवासीमाई मंन्दिरको भब्य निर्माण गर्ने र यस क्षेत्रमा पनि विश्व प्रसिद्ध गढीमाई जस्तै पर्यटन र भक्तजन भित्र्याउने नगरप्रमुख यादवले प्रतिबद्धता गर्नु भएकोछ ।
कटबासीमाई पाँच बर्षिय मेला समितिमा बस्ने पदाधिकारीहरुलाई इमनदारी पूर्बक काम गर्नको लागि प्रतिबद्धता गर्न लगाउनु भएको थियो ।जति प्रचार प्रसार भयो भने यस क्षेत्रको अधिक बिकास हुने गर्छन । बिश्व प्रसिद्ध गढीमाई जस्तो कटवासीमाईको पुजामा पांच बर्षमा पांच किसिमको बली दिने चलन रहेको छ ।रंगा ,बोका , कुखुरा ,सुगर ,परेवा , दिने गर्छन तर बोकालाई उल्टाएर बली दिने चल्न रहेको महागढीमाई नगरपालिका वडा नं ७ का अध्यक्ष एवम कटवासीमाई मेला मुलसमिती अध्यक्ष शिवबेन्द्र प्रताप सिंहले बताउनु भएको छ ।
मेलामा मनोरञ्जनको लागि विभिन्न किसिमको झुलुवा , खेल तमासा , लगाएत आउने गर्छन मेला मंसिर २७ गते देखि ५ गते सम्म लाग्ने गर्छ । मंसिर २७ गते कलश यात्रा र बली पुष ३ गते हुने मुलसमितीको अध्यक्ष प्रताप सिंहले जनकारी गराउनु भएकोछ ।
