भारतको गुजरातको मोरबी दुर्घटनामा १४१ जनाको मृत्यु, सेना र एनडीआरएफ टोली उद्धारमा जुटे
भारत । भारतको गुजरातमा पुल चुँडिंदा १४१ जनाको मृत्यु भएको छ । आइतबार साँझ मोरबी भन्ने स्थानमा पर्ने मच्छु नदीमाथि बनेको पुल चुडिएको हो । घटनामा १४१ जनाको मृत्यु भएको र १७७ जना घाइते भएको भारतीय मिडियाहरुले उल्लेख गरेका छन् । समाचार अनुसार अझै ५० जना जति सम्पर्कमा छैनन् । सुरक्षाकर्मीहरुले खोज तथा उद्धारको काम जारी राखेका छन् । भारतीय वायु सेनाका जवानहरुलाई पनि घटनास्थलमा परिचालन गरिएको छ ।
उक्त पुलमा चढ्नका लागि वयस्कलाई भारु १७ र बालबालिकालाई भारु १२ शुल्क लिइन्थ्यो । आइतबार साँझ उक्त पुलमा क्षमताभन्दा बढी मानिसहरु रहेकाले पुल चुडिएको अनुमान छ । स्थानीयका अनुसार पुल चुडिने बेला त्यहाँ करिब ४०० जना मानिसहरु रहेको अनुमान छ । यद्यपि कति जनाले टिकट काटेका थिए भनेर तथ्यांक केलाउने काम पनि भइरहेको भारतीय मिडियाहरुले लेखेका छन् ।
तीनवटै सेना उद्धारमा जुटेका छन्
भारतीय सेना, नौसेना, वायुसेना एनडीआरएफ, फायर ब्रिगेड, एसडीआरएफको टोली उद्धारमा जुटेका छन्। हालसम्म १७७ जनाको उद्धार गरिएको छ । भारतीय सेनाका मेजर गौरवले उद्धार कार्य जारी रहेको बताए । राति करिब तीन बजे भारतीय सेना यहाँ पुगेको थियो । शव निकाल्ने प्रयास गरिरहेका छौँ । एनडीआरएफको टोलीले पनि उद्धार कार्य गरिरहेको छ ।
दुर्घटनामा हालसम्म १४१ जनाको मृत्यु भइसकेको छ ।
-१७७ जनाको उद्धार गरिएको छ ।
१९ जनाको उपचार भइरहेको छ । ३ जनालाई उपचारका लागि राजकोटमा भर्ना गरिएको छ ।
मोरबी सिभिल अस्पतालमा अन्य अस्पतालका करिब ४० चिकित्सकको टोली घटनास्थल पुगेको छ ।
घटनास्थलमा करिब ३० वटा एम्बुलेन्स तैनाथ गरिएको छ ।
NDRF को 5 टोलीमा, लगभग 110 सदस्यहरू उद्धारमा संलग्न छन्।
– जामनगर SDRF को 2, बडोदरा र गोंधल को 3-3 इकाइहरु उद्धारमा संलग्न छन्।
उद्धारका लागि २० वटा डुङ्गा परिचालन गरिएको छ ।
फौजदारी मुद्दा दर्ता
मोरबी दुर्घटना सम्बन्धमा मर्मत सम्भार गर्ने निकायविरुद्ध ३०४, ३०८ र ११४ अन्तर्गत फौजदारी मुद्दा दर्ता गरी आजबाटै अनुसन्धान सुरु गरिएको छ ।
