राजदूत डा. नेत्र प्रसाद तिम्सिनाको प्रमुख आतिथ्यतामा हेल्प मधेसीको तेस्रो अधिवेशन”

क्वालालम्पुर, मलेसिया – हेल्प मधेसी मलेसियाले आफ्नो तेस्रो अधिवेशन तथा सम्मान कार्यक्रम आगामी १४ सेप्टेम्बर २०२५, आइतबार का दिन भव्य रूपमा सम्पन्न गर्ने भएको छ।

कार्यक्रम राजधानी क्वालालम्पुरको WISMA ANN KOAI, 67, Jalan Ampang, 50450, W.P. Kuala Lumpur (नेपाली दूतावास छेउको भवन) मा आयोजना हुनेछ।

संस्थाका अनुसार, यस ऐतिहासिक अवसरमा मलेसियामा कार्यरत सम्पूर्ण नेपाली दाजुभाइ तथा दिदीबहिनीहरू, साथै यहाँका सरकारी तथा गैर–सरकारी संघ–संस्थाका प्रतिनिधिहरूलाई उपस्थित भई कार्यक्रमलाई सफल बनाउन हार्दिक निमन्त्रणा गरिएको छ।

हेल्प मधेसी मलेसियाका पदाधिकारीहरूले समुदायको एकता, सांस्कृतिक संरक्षण र आपसी सहयोग प्रवर्धन गर्ने उद्देश्यले अधिवेशन आयोजना गरिएको स्पष्ट गरेका छन्।

कार्यक्रममा विशेष अतिथि, सम्मान, सांस्कृतिक प्रस्तुति तथा भावी योजनाबारे छलफल हुनेछ। सो अवसरमा प्रमुख अतिथिका रूपमा मलेसियास्थित नेपाली राजदूत महामहिम डा. नेत्र प्रसाद तिम्सिनाको विशेष उपस्थिति रहनेछ। साथै, नेपाली र मैथिली कलाकारहरूले प्रस्तुत गर्ने सांस्कृतिक कार्यक्रमले वातावरणलाई झन् उत्साहपूर्ण बनाउनेछ।