जोहोर, मलेसिया – नमस्ते भलिबल टिमले शुभ दिपावलीको अवसर पारेर आगामी १९ र २० अक्टोबर २०२५ मा मलेसियाव्यापी खुल्ला पुरुष भलिबल प्रतियोगिता तथा विविध सांस्कृतिक कार्यक्रम आयोजना गर्ने भएको छ।
प्रतियोगिता वेस्ट्लाइट डोमिटरी सेनाई १, Kulaijaya, Johorमा बिहान ८ बजेबाट सुरु हुने आयोजकले जानकारी दिएका छन्।
खुल्ला पुरुष भलिबल प्रतियोगितामा प्रथम हुने टिमलाई RM 6,000, कप, मेडल र प्रमाणपत्र, दोस्रो हुनेलाई RM 3,500, कप, मेडल र प्रमाणपत्र र तेस्रो हुनेलाई RM 2,000, कप, मेडल र प्रमाणपत्र प्रदान गरिनेछ। दर्ता शुल्क RM 851 तोकिएको छ। सहभागी टिमले अक्टोबर १२ भित्र अनिवार्य रूपमा दर्ता गरिसक्नुपर्नेछ।
खेलाडीहरूले पालना गर्नुपर्ने नियम अनुसार प्रत्येक टिममा कोचसहित ९ जना सदस्य हुनुपर्नेछ, अनुशासनमा खेल खेल्नुपर्नेछ, चोटपटक भएमा प्राथमिक उपचारबाहेकको जिम्मेवारी स्वयं खेलाडी वा टिमले लिनुपर्नेछ। टाढाबाट आउने टोलीलाई बासको व्यवस्था पनि गरिनेछ। खेलका क्रममा उत्पन्न हुने विवादमा रेफ्री र आयोजकको निर्णय अन्तिम मानिनेछ।
सांस्कृतिक तर्फ देउसी–भैलो, लक्ष्मी पूजासहित विभिन्न कलाकारहरूको प्रस्तुति रहनेछ।
कार्यक्रमको आयोजना नमस्ते भलिबल टिमले गरेको हो भने अतिथि रेस्टुरेन्ट प्रायोजक रहेको छ।
थप जानकारीका लागि सम्पर्क:
• अध्यक्ष : सञ्जीव लामा (+601170139376)
• सल्लाहकार : टेकम पाण्डे “जिज्ञासु” (+601170139375)
• प्रायोजक : योगेश कोइराला (+601168426029)
• टिम कोच : नवराज खत्री (WA: +9779866552183), हुम ब. थापा (WA: +9779813266924)